Menslike geluk, ’n subjektiewe begrip wat dikwels moeilik is om te definieer, word op ’n fondament van verhoudings van hoë gehalte gebou. Die bekende Harvard-navorsing oor veelvuldige generasies, wat in 1938 begin het, het bevind dat die sterkte van ons verhoudings die belangrikste voorspeller van ons tevredenheid met die lewe is.

Wat finansiële beplanning betref, hou hierdie bevinding beduidende implikasies in. By Succession Financial Planning (SFP), glo ons dat ons werk meer behels as net blote syfers en finansiële strategie – dit gaan oor lonende verhoudings, wedersydse begrip en vertroue.

Ervaring het ons geleer dat kliënte wat op ’n dieper vlak as net ’n sakevlak met ons skakel, diegene is wat dikwels ’n beter gevoel van finansiële welsyn beleef. ’n Sterk verhouding van hoë gehalte maak ’n meer diepgaande ondersoek van finansiële doelwitte, individuele omstandighede, en persoonlike aspirasies moontlik, wat lei tot finansiële planne wat werklik nommerpas en doeltreffend is.

Jy wonder dalk waarom ons as mense sukkel om hierdie sterk verhoudings van hoë gehalte te bou en te handhaaf. Die antwoord lê moontlik in ons fokus. Ons gee dalk nie genoeg aandag aan die verhoudings wat die meeste saak maak nie, en besef nie wat hulle werklik uniek maak nie.

Neem byvoorbeeld die insiggewende perspektief van organisasie-sielkundige, Adam Grant, wat die mense in ons lewens in drie kategorieë verdeel: dié wat gee, dié wat neem en dié wat pas. Die gewers is hulle wat meer bydra as wat hulle neem. Die nemers prioritiseer eie gewin, en die passers is diegene wat tussen die twee uiterstes val.

Soos Grant sê, “Nemers probeer hulself bevoordeel. Gewers probeer ander bevoordeel.” As ons meer tyd en energie aan die gewers in ons lewens bestee, kan dit ons eie kapasiteit vir vrygewigheid versterk en ons help om betekenisvolle, voordelige verhoudings te bou. Dit leer ons ook die waarde daarvan om ander te help, selfs ten koste van onsself.

By SFP beskou ons onsself as finansiële ‘gewers’. Ons strewe daarna om ons kliënte meer waarde te bied as wat ons ontvang, en fokus op die maksimalisering van hul finansiële gewin. Ons primêre motivering is om hulle te help om die ingewikkeldheid van persoonlike finansies met gemak en vertroue te hanteer.

Kom ons besin ’n oomblik hieroor: "Wanneer jy ander help, verwag jy enigiets terug?” Hierdie eenvoudige vraag laat ons dink aan ons interaksie met ander en die redes daarvoor. As die antwoord is dat jy iets in ruil verwag, is dit dalk tyd om jou fokus te verskuif na om onselfsugtig te gee – in jou verhoudings sowel as in jou benadering van finansiële beplanning.

’n Goeie verhouding met ‘n finansiële beplanner wat vir jou welsyn omgee, kan ’n bron van groot gerusstelling en sukses wees. Kontak ons by SFP en begin vandag jou verhouding van ’n hoë gehalte bou. Per slot van rekening is dit die sterkte van ons verhoudings wat die werklike verskil maak – in die lewe en by finansies.