“The most important quality for an investor is temperament, not intellect.” — Warren Buffett

Dis maklik om in ’n valstrik te trap en te dink dat slim mense die meeste geld maak wanneer hulle belê. In die reël is dit egter emosies, en nie intellek nie, wat handelsbedrywigheid beïnvloed. Beleggers het in die eerste kwartaal van 2020 tien keer meer verhandel as in 2009.

Vrees kan ons laat omskakel, en omskakeling is nie altyd die antwoord nie.

Omskakeling vind plaas wanneer ons geld van een belegging na ’n ander oordra. Hierdie proses kan die skuif van geld tussen effektefondse met verskillende strategieë, oorskakeling na ander aandeleklasse of die hertoedeling van ’n portefeulje behels. Dit kan sin maak wanneer behoeftes of omstandighede verander, maar ons moet altyd ’n weldeurdagte benadering volg wanneer omskakeling oorweeg word.

Jy kan in die versoeking kom om tussen fondse om te skakel om jou opbrengs te verbeter. Party beleggers verhandel ten einde die tyd vir stygings en dalings van elke fonds se prestasie te probeer bepaal. Weens die onvoorspelbare aard van korttermynbewegings is dit egter baie moeilik om tydberekening op die mark toe te pas. Navorsing het getoon dat omskakeling in die reël dikwels waarde uitwis.

Omskakeling wanneer ’n belegging waarde verloor het, kan die slegste tyd wees om te verhandel, aangesien jy jou verliese vaslê. Die verkoop van onderaandele kan ook aanleiding tot kapitaalwinsbelasting gee, en die fonds waarna jy omskakel kan ook aanvangsfooie hef. Hierdie korttermynkoste kan aanvaarbaar lyk vir ’n belegger wat wil omskakel na ’n nuwe fonds met langtermynvooruitsigte, maar dit kan vinnig meer word, en dikwelse omskakeling kan ’n groot rem op langtermynopbrengste veroorsaak.

Wanneer ’n fonds ’n tydperk van betreklik swak prestasie beleef, is dit maklik om te dink dat “die verste gras altyd die groenste is”. Dis wanneer temperament belangriker as intellek is. Die verkoop van ’n effektetrust wat oor ’n kort tydperk swak presteer het, is dikwels ’n emosionele reaksie, en emosionele omskakeling vernietig sonder uitsondering ons welvaart.

Die algemeen aanvaarde tyd vir omskakeling is nadat jy jou navorsing gedoen het. Alle fondse beleef tydperke van goeie en swak prestasie. Hoe meer goeie tydperke daar is, hoe beter is die fonds. Omskakeling uit een van hulle tydens ’n swak tydperk is gewoonlik ’n slegte idee omdat jy die beter tydperk wat volg, misloop. Daarenteen kan dit ’n slegte idee wees om nie om te skakel wanneer jy van mening is dat ’n fonds voortdurend onderpresteer nie. Die enigste natuurlike manier om te weet, is om jou navorsing te doen (jou adviseur te raadpleeg) en jou nie oor tydberekening van die markte te bekommer nie.

Kyk na jou fonds se prestasie teen die agtergrond van sy doelwitte. As jy belê is in ’n hoëgroeifonds wat wisselvalligheid verwag, behoort ’n mate van waardeverlies nie van belang te wees nie. Maar as die fonds se prestasie nie in ooreenstemming met sy doelwitte is nie en swakker as dié van soortgelyke fondse is, is dit die moeite werd om na moontlike redes vir die swak prestasie te kyk.

As jy jou omsigtigsheidsondersoek gedoen het en omskakeling wil bespreek, laat ons jou help. Kontak ons.